Dei tre framståande stormennene Erlend Filippusson, Eindride Erlendsson og Erlend Eindridesson var mellom dei mektigaste og rikaste i landeti tidda 1350-1450. Adelstittelen hadde dei frå den vesle øya Losna i ytre Sogn, men sine høge, kongelege embete hadde dei i Bergen, Oslo og Tønsberg. Riddar Eindride var dronning Margretes fremste mann, og var mellom dei som signerte Kalmarunionen i 1397, medan sonen Erlend var nær ved å bli drottsete ("statsminister") i 1439. Kven var dei eigentleg, korleis levde dei, og korleis nådde dei så langt, i ei tid då landet var herja av pestepidemiar.

Oppfinnaren Snutt er mest interessert i å finne opp geniale ting og merkelege duppedingsar. Når ungdommane i Olsen by bryt seg inn i oppfinnarfabrikken for å få han til å gi dei sol og varme heile året, ser han sjansen til å lage ei genial oppfinning som gjer det umoglege mogleg. Isbjørnungen Burrr lever på Nordpolen og har forferdeleg vasskrekk. Han held seg helst på store, trygge isflak og har dessutan eit skjerf slik at han bli taua i land dersom han skulle falle ut i vatnet. Den geniale oppfinninga til Snutt gjer at det blir mykje sol både i Olsen og på Nordpolen. Og med fint vêr heile dagen, blir det varmt. Veldig varmt. Altfor varmt for isflaka i alle fall. "Det forferdeleg geniale frese-sky-flyet" tek opp klimaproblematikken på ein humoristisk og for barn lett tilgjengeleg måte. Fredrik Rysjedals fantasifulle illustrasjonar følgjer lesaren gjennom boka og gir denne drivande historia eit fargerikt preg. Boka eignar seg til høgtlesing for barn frå 6 år, og til sjølvlesing frå ca. 8 år.

Boka tek deg med på ei reise i bilete og ord gjennom Sunnfjord frå sør til nord, frå hav til isbre, gjennom skiftande vertilhøve og årstider. Den har parallell tekst på norsk og engelsk.

Dette er fossegrimens forteljing om Ole Bull. Naturvesenet fossegrimen- urmusikanten - som gjennom bruset frå Valestrandfossen kastar folkemusikkens trolldom over barnet Ole Bull og lærer han å spele som ein gud. Til gjengjeld krev fossegrimen berre èin ting; sjela til den unge fiolinisten.

På flukt over havet. Året er 874. Torstein (14) og trælejenta Skaima (13) er på flukt. Far til Torstein, Ingolv Arnarson, og fosterbroren Leiv er dømde fredlause fordi dei har drepe Atle jarl og to av sønene hans. No må dei flykte med folk og husdyr og alt dei eig til ein stad der hemnen ikkje kan nå dei. På Island bur det ingen menneske, der kan dei føle seg trygge. Men hemnaren vert med i skipa ut på havet. Hemnens skugge ligg tungt over Torstein og Skaima.

Kva er det med Sogn og Fjordane? Fylket som ikkje lenger finst, men likevel er høgst levande og mange ikkje vil gje slepp på. Gjennom ei reise innom alle kommunane som utgjorde Sogn og Fjordane, prøver Rolf Losnegård og Arnstein Mygland å finne svar på nettopp dette. Forfattaren skriv reisebrev, illustratøren skildrar med pensel og strek. Dei undersøkjer og diskuterer, dei finn kontrastar og motsetningar, dei tek oss med på overraskande sidevegar. Nokre velkjende, andre personlege. For det er vel akkurat dette det handlar om: Sogn og Fjordane var så mykje meir enn byråkratiske grenser og namn på eit kart. Sogn og Fjordane var bratt og kronglete, for ikkje å seie kranglete. Men det var også identitet, samhald og kjærleik. Kjære Sogn og Fjordane er ei varm helsing til eit fylke som lever vidare, sjølv om innpakkinga er ny.

Musikkspel om kvinnedåraren, utbrytarkongen, forfattaren og meistertjuven Gjest Baardsen sitt liv. Dette er ei ordentleg musikalsk røvarhistorie!

Dette er den frodige og burleske historia om eit lutfattig lite bygdesamfunn ein stad ytst på vestlandskysten nokre år etter andre verdskrigen. Der folk hadde så lite å berge seg med at dei tok til seg det dei kalla åndssvake, eller tylar, for pengar og gav dei husrom i kjellarar, på loft og i uthus. Ein gløymd avkrok av norsk historie vert skildra med humor, dramatikk og satire, innleving og kjærleik. Alt sett gjennom augo til Magnus, barnet som veks opp og blir til den unge mannen, Prinsen, som bygdefolket knyter sine håp til. Men sterke motkrefter ligg i vegen for Magnus, for det kviler ei forbanning over bygda. Ingen barn er fødde der etter at Magnus kom til verda. Den einaste som veit kva som kan heve forbanninga, er Den Gamle.

Kinnaspelet vart sett av til saman omlag 6.500 menneske i 1985 og 1986. Kinnaspelet <<songen ved det store djup>> Manuskript og musikk er laga i nært samarbeid mellom for fattaren Rolf Losnegård og komponisten Per Janke Jørgensen. Teatersjef og instruktør Anne Gullestad og scenograf Karel Hlavaty har hatt det kunstnarlege ansvar for fram syningane som er blitt til i eit samarbeid mellom Sogn og Fjordane Teater, amatørar i Florø og Kinn Sokneråd ved sokneprest Odd Stubhaug, initiativtakar og primus motor bak tiltaket.. ISBN: 82 90576-04-8

Peter Andreas Blix I strid for vern og vekst Av Rolf Losnegård og Gaute Losnegård Kr 348.00 Peter Andreas Blix (1831-1901) var ein av landets fremste arkitektar og ingeniørar i siste halvdel av 1800-talet, tida då det moderne Norge vart skapt. Men Blix var også ein dyktig kunstnar og ein ivrig talsmann for fortidsminnevernet, og spenninga mellom vekst og vern går som ein raud tråd gjennom livet hans. Blix voks opp i Stavern og Oslo, og budde som vaksen vekselvis i Oslo og Bergen, ei tid i Kongsvinger, men enda sine dagar i Vik i Sogn. Han bygde kanalar, teikna over 50 jernbanestasjonar, fleire hotell, kyrkjer og offentlege bygningar, og endå fleire bustadhus som enno pryder villastrøk, særleg i Bergen. Han restaurerte Håkonshallen og domkyrkja i Bergen, og dreiv arkeologiske utgravingar, m.a. i Gamlebyen i Oslo, i Østfold og på Hedemarken. Mest kjend er han likevel for restaureringa av to gamle mellomalderkyrkjer i Vik i Sogn: Hopperstad stavkyrkje og Hove steinkyrkje. Blix var også grunnleggjar av Den Norske Ingeniør- og Arkitektforening, i dag NIF, og han stod sentralt i Fortidsminneforeininga. Denne boka er ein biografi utanom det vanlege. Dei to forfattarane, far og son, ein dramatikar og ein historikar, levandegjer livet til Peter Blix på kvar sin måte, slik at lesaren sit att med eit samansett og fascinerande bilete av ein fargerik, energisk og raus mann, som har sett mange spor etter seg. Gaute Losnegård (f. 1970) er historikar, og har skrive fleire bøker med lokalhistoriske emne. Rolf Losnegård (f. 1946) er forfattar og dramatikar, og har skrive fleire bøker og kring tjue skodespel, m.a. Kinnaspelet.

Boka tek deg med på ei reise i tekst og bilete gjennom kommunane Gaular, Fjaler og Askvoll. Har litteraturliste.

Norvald Tveit møtte Toralv Maurstad på Hotel Norge i Bergen. Den store senga var dekka med lause manusark. «Jeg har lest stykket ditt», sa Toralv. «Det er er mange saftige uttrykk og gode replikker, men det går ikke an å spille som teater, det er uten dramatikk. Faen, folk står jo rett opp og ned og holder med hverandre.» Med dette rådet som rettesnor fekk Norvald Tveit elleve skodespel framført på dei store teatra i Noreg, fleire med stor suksess. Det er gode minne å ta med seg «På reservetanken» og meske seg med. Frå heimen sin i dei bratte Tveitsbakkane i Hyllestad ser Norvald Tveit i denne boka tilbake på livet sitt, små og store hendingar, og folk han har møtt, som Toralv Maurstad, Wenche Foss, Jon Eikemo, Espen Skjønberg, Ivar Medaas, Anne Gullestad, og mange fleire. Han fortel også for første gong om det vanskeleg opphavet sitt, som prega barndom og oppvekst. Denne boka inneheld også tekstar om Norvald Tveit som dramatikar og forfattar, skrivne av Ove Eide, Barthold Halle, Agnete Haaland, Rolf Losnegård, Terje Lyngstad, Jens Chr. Lundeland og Tom Remlov. Norvald Tveit (f. 1927) frå Hyllestad i ytre Sogn er dramatikar og forfattar, med bøker i mange sjangrar. Han har fått Ibsenprisen, Fylkeskulturprisen i Sogn og Fjordane og Kongens fortenestemedalje i gull.

Beskrivelse mangler. Se gjerne forlagets (Hackett Pub Co Inc) hjemmeside, der det kan finnes mer informasjon.

Veit du at grammar og glamour har eit felles opphav? Eller veit du noko om grunnlaget for ordklassedelinga vår, dei fem fasane i retorikken, eller dei ulike argumenta for at elevane bør læra seg grammatikk? Ein grunnskulelærar i norsk skal, ifølgje rammeplanane for lærarutdanningane, «ha brei kunnskap om språket som system og språket i bruk». Læraren har dessutan eit særskilt ansvar for elevane sine språklege kunnskapar og ferdigheiter. Språk i skolen introduserer grunnleggjande språklege emne for grunnskulelærarstudenten og norsklæraren: grammatikk, tekstlingvistikk og retorikk. Fagstoffet vert formidla med kunnskap, entusiasme og underhaldande døme. Her er fagkunnskapen brei, vinklinga didaktisk og banda til Kunnskapsløftet tydelege. Denne tredje utgåva av Språk i skolen er revidert og oppdatert. Det vert særleg lagt vekt på korleis elevar kan nytta eigen språkkompetanse for å utvikla eit metaspråkleg medvit som etter kvart kan koplast med grammatisk terminologi. Boka har kapittel på både nynorsk og bokmål, og gjer slik studentane kjende med fagspråk på begge målformer. Ingvil Brügger Budal (fødd 1975) er professor i nordisk språkvitskap ved Høgskulen på Vestlandet. Ho arbeider med språkbruk og språkbrukarar, både i eit diakront og eit synkront perspektiv, og har mellom anna skrive om norrøn omsett litteratur, nynorskdidaktikk, sjangrar og forteljarstemmer. Rolf Theil (fødd 1946) er professor emeritus i allmenn og afrikansk lingvistikk ved Universitetet i Oslo. Mellom spesialområda hans er lingvistisk feltarbeid, fonologi, morfologi, semantikk og kognitiv grammatikk. Theil har gjennom meir enn førtifem år skrive bøker og artiklar om språk og språktilhøve i Afrika, Asia og Europa – inkludert norsk, samisk, romani og romanes. Bernt Ø. Thorvaldsen (fødd 1976) er professor i norsk ved Universitetet i Sørøst-Norge. Han underviser i norsk språk og forskar på eldre språk og litteratur og norskdidaktikk. Ingebjørg Tonne (fødd 1966) er professor i nordisk språk / norsk som andrespråk ved Senter for fleirspråklegheit (MultiLing), Universitetet i Oslo. Ho er mellom anna oppteken av kontrastiv grammatikk og relevansen av grammatikk for lese- og skriveopplæring og språkutvikling. Ho var med i læreplangruppa for norsk i samband med Fagfornyinga 2020.