Denne signerte og nummererte jubileumsutgåva av debutboka til Norvald Tveit vert utgitt i samband med 80-årsdagen hans 22.12. 2007. Boka om omstreifaren Hans Gjerde sitt eventylege liv har seld i 15.000 eksemplar og fekk nærast ekstatiske omtalar då ho kom ut i 1960. Romanen vert utgitt i praktutgåve.

Denne boka fortel korleis ein lagar til, serverer og et smalahove. Her er kunnskap om norsk tradisjon, historier og songar med smalahove som hovudingrediens. Med oppskrifter.

Bygdefolket får det tidleg for seg at Sylfest i Kobbevikja ikkje er heilt som anna folk. Det e' noke med 'an. Kva dette «noke» er, finn dei aldri heilt ut av, men noko er det. Uansett korleis han oppfører seg, eller kvar han er, so dreg han med seg eitt eller anna som har med legning å gjere: er han rompis eller er han det ikkje? Slikt spekulerer dei mykje på - både på krambua og i Hedningemisjonen. Dette er ei historie om kjærleik, maktspel og heimeavla djevelskap.

Georg Hatlevik er ein av ungkarane i komedien «Ungkarsfesten» som har hatt stor suksess. «Ein Vestnorsk Stat», illustrert av vossingen Ivar Kvåle, skildrar Georg og naboane på Hatlevikneset i deira liv og levnet. Georg har dei fleste mot seg, men han ordnar godt opp. I bakhand har han Jens Rinde, ein hobbyjurist med Tor Erling Staff som førebilete. Ein Vestnorsk Stat . med Kjell Opseth som president og god heimebrent som nasjonaldrikk . er ein kongstanke som både Georg og Jens går inn for med stor svir. I mellomtida lever dei livet på Hatlevikneset . ein ministat med intrigar nok for ein langt større republikk.

- Berre vent, sa Hilda, rimeleg sikker. - Den gutungen blir det aldri folk av. De ska få sanne mine ord. Og det såg ut som ho skulle få rett. For Norvald var ikkje som dei andre ungane. Ein unge skulle vere snill og stillfarande, sitje roleg ved bordet, ikkje snakke i utide og slett ikkje stygt, og vere lydig imot foreldra. Og sjølvsagt: ikkje tru om seg sjølv at han var noko. Og framfor alt: Han måtte ikkje stelle seg slik at han førte skam over foreldra. Norvald Tveit voks opp i Bøfjorden i ytre Sogn på 1930-talet. I denne boka ser han tilbake på oppveksten sin som eit sokalla uekte barn frå han kom til pleieforeldra sine som baby og fram til 11-12-års alderen. Det skarpe blikket og humoren utvikla han tidleg. Også evna til å bry seg om dei som hadde det verre. Han fortel levande og med glimt i auge om livet i gamle dagar, der ungane måtte ta del i arbeidet frå dei var ganske små. Vi får også høyre om første bilturen, den magiske grammofonen, skulen og naboane. Slikt blir det gode historier av. Og han sler hardt ned på behandlinga av .tylene", dei funksjonshemma, som ikkje alltid hadde det så godt rundt på gardane.

Ny og utvida utgåve av smalahoveboka i serien Mat på folkemunne. Boka gir saftig og kosteleg bakgrunn for nytinga, og her får du råd om tillaging, vittige historier, sære festsongar og teikningar tekne rett ut av den særnorske folkesjela. Illustrert.

Smussomslag, namnetrekk fremst