Jakob og Neikob i klimatrøbbel. Bestevennene Jakob og Neikob steller i hagen da. Spinnvill fyk forbi på veg til fabrikken. - Kan du verkeleg lage alt mogleg? spør Jakob og Neikob. - Alt mogleg på ein blunk, svarer Spinnvill. Jakob og Neikob blir imponerte og fyller opp huset med billass av alt mogleg. Men kor skal Neikob få plass til pusterommet og boltreplassen no? Då Stormen kjem og tek Jakob og Neikob opp i lufta, oppdagar dei noko dramatisk. Kloden har forandra seg. Han er full av søppel. Då skjønner dei at noko må gjerast: Dei må hjelpe Spinnvill. No veit dei akkurat kva ho må lage i fabrikken sin. "Jakob og Neikob. Stormen" er den sjette boka om det prisvinnande paret Jakob og Neikob.

Ein dag ser Jakob og Neikob at dei har fått ein nabo. Jakob blir glad, mens Neikob blir svært skeptisk og byggjer eit høgt gjerde. Jakob byggjer ei bru, men så har vel også Jakob høyrt at ein ikkje skal snakke med framande? Då naboen plutseleg trekker gardina for meiner Neikob at beviset er klart: Naboen har noko å skjule!

Radarparet Jakob og Neikob er tilbake, og denne gongen skal dei fylle det tomme loftet sitt med ein sambuar. Men det som byrjar som eit felles prosjekt for to venner, ender i uvennskap. For første gong er bestevennene blitt verstevenner. Den tredje boka om Jakob og Neikob handlar om dei store tinga i livet: vennskap, forsoning og ikkje minst jul.

Femte bok om det prisvinnande radarparet Jakob og Neikob! - Neikob, er du lei deg? - NEI, eg er lei MEG, svarer Neikob. - Eg vil bli som Alle Andre. - Veit du kven Alle Andre er, da? spør Jakob. - NEI. Blir du med og finn han? - JA, svarer Jakob. Jakob og Neikob leitar etter Alle Andre på bussen, i havet og i verdsrommet. Til slutt finn dei han på planeten Uno. Der er det også ei klonemaskin. Kanskje Neikob faktisk kan bli heilt lik Alle Andre?

Saknet etter ein far. Rakel er ei sprudlande jente som elskar å utfalde seg i klasserommet. Men kva skal dei gjere i dag? Vi skal lage farsdagskort, seier vikarlæraren. Da rømmer Rakel under pulten. Men sit det ikkje ein til under pulten sin? Er det Mikal, den nye guten? Vil ikkje han skrive farsdagskort heller? Og kva er det med vikarlæraren, som plutseleg verkar så redd? «Er det sant at» handlar om å bere på historier. Det er ei forteljing om fedrar, sakn og kjærleik. Kan nye vennskap vekse fram om ein deler løyndommar med kvarandre?

Mopp og Mikko drar på dyrejakt. Dei finn både gris, kylling, stripete dyr og lange dyr.

Mopp og Mikko drar på tingjakt. Dei finn både blå ting, mjuke ting og harde ting.

I fjor fekk barna sitt eige litterære julehefte. I år kjem ei ny utgåve av Barnas Juleroser. Det blir vakre illustrasjonar og magiske forteljingar. Nok ein gong har vi med fleire av dei fremste forfattarane og illustratørane for den yngste målgruppa. I år er det bidrag frå blant andre Tom Egeland, Herborg Kråkevik, Iben Akerlie, Simon Stranger, Mari Kanstad Johnsen, Åshild Kanstad Johnsen, Lars Mæhle, Kari Stai, Jenny Jordahl, Åshild Irgens, Andreas Wahl og Jens Kristensen.

Truls elsker å klatre, og det er ikke så rart. Han har nemlig et helt eget tre. Og det er ikke et hvilket som helst tre, for Truls sitt tre er hundre meter høyt! Truls har aldri vært i toppen før. Så nå er det absolutt på tide å prøve. DENNE LØVEUNGEN HAR STORE BOKSTAVER. Løveunge - Små og fargerike bildebøker med morsomme historier, fortalt med lite tekst, det er kun én setning på hver side. Løveungene er perfekte bøker for de aller ferskeste leserne. 4-7 år.

Mopp og Mikko drar på matjakt. Dei finn både gul mat, pølser og søtmat.

Mopp og Mikko drar på kjøretøyjakt. Dei finn både traktor, helikopter, fly og båt.

Vinnar av Kulturdepartementets illustrasjonspris 2021! Illustrert barneroman frå Jakob og Neikob-skapar. Juri nærmar seg 12 år og kjenner seg usikker på absolutt alt. Han prøver å finne ut av seg sjølv, kjærleiken, fotballen, og kor langt tunga skal inn i eit kyss før ein ikkje får puste. For Sofi er så fin at Juri mistar pusten. Men Juri vil sjølvsagt ikkje døy. Han skulle ynskje at alt var som før. At pappa ikkje måtte flytte. At bestevenninna Evy ikkje blei så rar. Kvifor har han så mange kjensler? No snurrar jordkloden så altfor fort. Om han berre kunne stått litt meir i ro. Boka er gjennomillustrert av Kari Stai. Kari Stai (f. 1974) er forfattar og illustratør, aller mest kjend for bøkene om Jakob og Neikob. Historiene om desse to blir karakteriserte som moderne barnebok-klassikarar. Dei er omsette tilfleire språk og er blitt animasjonsfilm og teater. Frå juryen til Kulturdepartementets illustrasjonspris: "Dette er ein lågmælt og fin roman om overgangen frå barndom til pubertet, om å finne ut kven ein eigentleg er, og kva som er viktig i livet. Venskap, tilhøve til foreldre og kjærleik - både streit og skeiv - er sentrale motiv. Boka er rikt illustrert av forfattaren. Svart-kvitt-teikningane er i ein naivistisk og tilsynelatande minimalistisk stil. Bilda er effektfulle, dei tilfører boka informasjon som ikkje blir gitt i verbalteksten, dei gir ei kjensle av nærleik til hovudpersonen, og dei har ei plassering som bidrar til å drive handlinga og hovudpersonens utvikling framover. Nokre av dei heilsides bildeoppslaga utgjer sjølvstendige sekvensar i forteljinga, eit grep som signaliserer at kunstnaren stoler på at lesaren kan tenkje sjølv."

Billedbøker med tekst, Skjønnlitteratur for barn og ungdom: kjærlighet og vennskap

Siste bok om radarparet. Bestevennene Jakob og Neikob legg seg for å sove etter ein lang og travel dag. No vil dei skunde seg å slappe av. Da dei endeleg vaknar, oppdagar dei at dei har sove i ti år. Men kor har tida blitt av? Kan Tjuven ha stole tida? Kan dei kjøpe tida hos Somlekob i kiosken, han som alltid har all verdas tid? Eller kan ein tidsmaskin vere redninga? Jakob og Neikob og tidsmaskinen er den sjuande boka om radarparet Jakob og Neikob. Serien har fått eit klassikarstempel, og bøkene er omsette til fleire språk.

Blodrik jobbar i Blodfabrikken, og er proppfull av verdas raudaste blod. Ein dag kjem Vanda til Blodrik og spør om han kan lage eit nytt hjarte til hunden hennar. Det synest Blodrik høyrest mykje meir spennande ut enn å lage chiliketsjup.

Litt innafor og litt utaforJuri er 10 år og usikker på mykje i livet, ikkje minst på kven han er i forhold til dei andre. Det verkar som alle andre høyrer til i ein flokk, men kven høyrer han til? Han er ikkje med i flokken fotballaget. Å spele i friminutta tel ikkje. Da er dei berre lause elevar. Til og med dyra har flokk. Fuglane flyr i flokk. Men kva veit eigentleg dei om å vere seg sjølv, dei gjer jo berre som alle andre?Flokken inneheld ti forteljingar om Juri og korleis han på ulike vis er i eller utanfor vennegjengen, familien, verdas befolkning, gutane, barneflokken og ungdomsflokken. Han er også med i flokken «dei som synest puppar er fint». Flokken er ein frittståande oppfølgjar til romanen Passe happy frå 2021.

24 nye juleforteljingar for barn. I denne praktboka finn du nye juleforteljingar skrivne og illustrerte av Noregs fremste forfattarar og illustratørar for barn og unge. Førjulstida er den store ventetida, der barn over heile landet tel ned dagane til julaftan. Med «Jula er her!» kan barnefamiliar fylle ventetida med framtidas juleklassikarar. «Jula er her!» inneheld 24 vakre, morosame, spanande, mystiske og undrande historier for barn. Med bidrag frå A. Audhild Solberg, Agnes Ravatn, Arne Svingen, Bjørn F. Rørvik, Bjørn Ousland, Bobbie Peers, Christian Wiik Gjerde, Eivind Gulliksen, Frode Grytten, Gulraiz Sharif, Harald Nortun, Helene Uri, Herborg Kråkevik, Hilde Hodnefjeld, Ida Eva Neverdahl, Inga H. Sætre, Ingunn Thon, Jenny Jordahl, Jens Kristensen, Kaia Dahle Nyhus, Kari Stai, Kristian Krohg-Sørensen, Maja Lunde, Maria Parr, Mari Kanstad Johnsen, Marianne Gretteberg Engedal, Nora Brech, Norå Dåsnes, Ruth Lillegraven, Simon Stranger, Sunniva Sunde Krogseth, Susanna Kajermo, Svein Nyhus, Tegnehanne, Tom Egeland, Veronica Salinas, Victoria Sandøy, Øystein Runde, Øyvind Torseter og Åshild Irgens.

Johan er ni år. Han er det einaste barnet i Krokvik. Bestevennen hans er femti år gamle Gudrun. Gudrun fortel ei spennande historie som startar med då ho og bror hennar segla på dei sju hav. Broren har vore på leit etter ei kvinne han var forelska i for lenge sidan. I eit postkort til Gudrun seier han at han er på veg heim att. Johan har ei stor overrasking i vente. Komet 8-9 år. Illustrert av Kari Stai.