Veldig bra

Sju forteljingar om nye og gamle hjarte, om å lesa og om å finna ei trygg hamn. Erna Osland har skrive sju korte forteljingar om vennskapet mellom Arild og dei eldre rundt han. På skulen slit Arild med å lesa, og når læraren seier at det er hans tur, slår hjartet fortare. Og fortare. Og befaler han å springa derifrå. Kor spring han då? Per Ragnar Møkleby har illustrert boka, som er finast å lesa saman, men òg fin å lesa sjølv. Dei sju forteljingane kan lesast som ei lang historie om Arild, eller kvar for seg. VINNAR AV LITTERATURPRISEN - KULTURDEPARTEMENTETS PRISER FOR BARNE- OG UNGDOMSLITTERATUR utgitt 2022 «I denne hjartevarme boka [...] kjem ordkunstnaren Erna Osland verkeleg til sin rett. Med tilsynelatande enkle grep får ho sagt utruleg mykje om lesevegring, det å flykte frå problem og - ikkje minst - om venskap mellom barn og eldre menneske. Språket er presist, poetisk og godt å lese, og forteljingane har eit gjennomført barneperspektiv. Dette er ei bok til å bli litt klokare av. Illustrasjonane til Per Ragnar Møkleby konkretiserer og understrekar dei mellommenneskelege relasjonane på ein varm og underfundig måte.» KUD-juryen Om vegring og meistring - og om sterke band mellom barn og eldre. Frå 6-10 år

I denne boka presenterer vi noko av det beste Noreg kan by på av god nynorsk julestemning. Her får du alt frå stemningsfulle juleforteljingar til surrealistiske juleeventyr, skrive av 20 kjende vestlandsforfattarar. Forfattarane i boka er: May Grethe Lerum, Berge Furre, Vidar Nupen,Finn Tokvam, Ingvild Bryn, Arild Hoksnes, Fritjov Urdal, Einar Økland, Astrid Overaa, Trude Teige, Sylfest Lomheim, Selma Lønning Aarø, Alf og Thore E. Helland, Erna Osland, Halvor Folgerø, Jens Brekke, Geir Kvam, Bjørn M. Toft, Valgerd Svarstad Haugland og Ragnar Hovland Dei 60 spreke og fargerike illustrasjonane i boka er laga av 10-klasse ved Halbrend skule i Førde. Utdrag frå boka: "Eit gravferdsfølgje blei overraska av uver på Røværsfjorden i kveldinga fredag 13. oktober 1899. Ingen overlevde og kunne fortelje kva som hadde hendt. 39 born blei farlause den kvelden" Bjørn M.Toft " Han hadde eit uhyggeleg raudt ansikt og eit grufullt kvitt skjegg. Han hadde ei kvit lue på hovudet og i auga hans lyste det av helvetes eld. Det var det mest grufulle syn eg nokon gong hadde sett. Og eg gløymer aldri den djevelske røysta som sa: -er det noen snille barn her?" Ragnar Hovland " Guten held på å spengjast av uforklarleg sæle. Alt var fullkome. Han tok av seg skinnlua og let det oppheta fjeset ta imot den kjølige snøen. Det hasta ikkje med å koma heim, for det var så inderleg godt å stå midt i bakkane, midt i bygdi. Åleine. Men med alle grendene og alle lysi i mørkret rundt seg." Sylfest Lomheim " Pinnesteik og sviskegraut og så gåver. Mange gåver, for me har stor slekt på morssida. Pappa var fantasifull og humoristisk og pakka inn småting med merkelappen Til Knut frå katten. Til Herborg frå grisen. Til Ingvild frå kalven." Ingvild Bryn

Solmann og Anna Einebærholm bur i Gulen i Sogn og Fjordane. Dei er begge 80 år og har kjent kvarandre sidan dei var skolebarn. For seks år sidan fekk Anna eit slag som gav dei nye utfordringar. Men kvar vanske har Solmann løyst på sin eigen måte: Då Anna blei liggjande på sjukehus i Førde eit halvt år, flytta Solmann på hybel rett bak sjukehuset. Då Anna kom tilbake til heimbygda og måtte bu på institusjon, tok Solmann henne med seg ut kvar dag på ein spesialkonstruert doning (ein slags tohjulstraktor) for at han og Anna skulle få ha det godt i lag. Då Anna blei flytta til kommunesenteret, reiste Solmann kvar dag med buss og rutebåt for å nå henne. Dei dagane rutegåande ikkje gjekk, køyrde han scooter 1,5 time kvar veg. Då scooterturen blei for farleg, kjøpte han seg båt og drog til Eivindvik, vèl ein time kvar veg, i all slags vêr. I ord og bilde har Osland og Apneseth dokumentert Anna og Solmanns strev for å få vere saman, og den store gleda dei har av kvarandre og styrken dei får frå kvarandre, trass i den vanskelege livssituasjonen. Fokus ligg på det vedunderlege dei får til i lag og kva som er viktig for dei og oss alle. Språket i boka er tilrettelagt for personar med lesevansker og spesielt tiltenkt dei som har hatt slag og har nedsett lese- og talefunksjon.

Engasjerande om flukt og handlekraft. Tony er på sommarferie hos bestefaren sin saman med kusina si, Silja. Alt skal vere som vanleg, men ingenting er det. Eit asylbarn er meldt sakna, og alle trur barnet er drukna. Men kva er det som går føre seg på loftet til bestefar? Og kven held kva skjult? Tony opplever for første gong sjølv å måtte finne ut kva som er rett og gale, og han må bokstavleg tala stupe uti. Forfattar Erna Osland og illustratør Sigbjørn Lilleng har i tekst og bilete laga ein lettlesen illustrert roman om rett og gale og det imellom. Utvikla i samarbeid med Leser søker bok.

25 dikt for barn, av ei rekkje forfattarar, blant andre Finn Øglænd, Einar Økland, Arnljot Eggen, Arne Hjeltnes, Erna Osland og Helge Torvund. Ill.

Å bli storebror er en STOR forandring. Eller kanskje er det MANGE store forandringer? Elisabeth Moseng har tidligere illustrert bøker for blant annet Erna Osland og Bjørn Sortland. Dette er hennes debut som forfatter.

Boken inneholder både velkjente og mindre kjente fortellinger fra Det Gamle og Det Nye Testamente. Med tittel-, forfatter- og illustratørregister.

Korleis søv du? Litt no og litt da, som eit ekorn? Eller mest om dagen som ei ugle? Om du ikkje er som spissmusa, da, som nesten aldri søv? Bli med herr Spiss på ei farefull ferd på leit etter søvnen. Møt ulike dyr i bileta og finn ut korleis dei søv, og kvifor dei gjer det akkurat slik. Ei fagbildebok for dei minste.

Eventyrboka innheld 19 nynorske eventyr, moderniserte eller nyskrivne, klassiske eller innovative. Ei eventyrleg og fargerik høgtlesebok for store og små sengekantar. Eventyra rettar seg mot barn frå 6 år og fungerer både til høgtlesing og sjølvlesing. Eventyra vert utover boka meir avanserte og rettar seg til eldre barn. Bente Bing Kleiva, Bente Bratlund, Einar Økland, Erna Osland, Helga Gunerius Eriksen, Henning Rivedal, Ingelin Røssland, Ingunn E. Wiken, Jon Hjørnevik, Karl Seglem, Katrine Sele, Laura Djupvik, Marita Liabø, Roald Kaldestad, Solfrid Siversten, Solveig Aareskjold, Stein Erik Lunde, Terje Hellesen og Turid Måseide.

Faktabok for barn om meteorologi Korleis blir vêret til? Kvar kjem vindane frå? Kvifor får hagl racerfart, og kvifor i alle dagar regnar det? Dette er ei bok om vêr, men også ei bok om Styrk, som bur i Noreg, men tenkjer på Afrika. Når kjem regnet til dei tørre åkrane hos mormor, tenkjer han. For det kjem vel, om det ikkje er nokon som har stole det? Dette er forteljinga om Styrk, men også ei faktabok om meteorologi. I slutten av boka kan du lese om korleis vêret held på å endre seg her på kloten. Og du få vite kvar regnet i Afrika blei av! Boka er illustrert av Per Ragnar Møkleby.

Dette er den første godnattboka med berre nynorske forteljingar. Boka samlar 22 nye godnatthistorier skrivne av forfattarar frå heile Vestlandet, både etablerte skribentar og debutantar. Forteljingane rettar seg mot barn frå 6 år og fungerer både til høgtlesing og sjølvlesing. I byrjinga av boka finn ein lettleste forteljingar som eignar seg for dei yngste i målgruppa. Utover boka vert forteljingane meir avanserte og rettar seg til eldre barn. Dei spreke illustrasjonar av illustratør Gunvor Rasmussen gir boka ei unik fargedrakt. Med Godnattboka debuterer den kjende BT-illustratøren innanfor barnebokgenren. Forfattarar i boka er: Brit Bildøen, Ingunn E. Wiken, Sylfest, Henning Riverdal, Heidi Marie Vestrheim, Anne Mette Hjelle, Frode Grytten, Katrine Sele, Ragnar Hovland, Odd Njøs, Helga Gunerius Eriksen, Tove Bakke, Turid Måseide, Bergljot Engeset, Terje Hellesen, Karl Seglem, Trond Morten Kristensen, Eirik Helleve, Sylfest Lomheim, Einar Økland, Finn Øglænd, Erna Osland, Atle Hansen.

Fine forteljingar om det å møte kvarandre Brage møter ei jente i djupet. Trond møter munnen til Maja-Mari. Mens Hanna møter Håvard utan å sjå han! Når to møter kvarandre, begynner ting å skje. Her er 14 forteljingar om nett det. Fleire av forteljingane er korte, andre er litt lengre. Men alle handlar om kor fint det er å få ein venn. Ta 100 steg og få ein venn er illustrert av Torill Stranger.

Dette er ei bok full av nasar, verdas beste nase, verdas største nase og verdas minste. Og det er ei bok full av kunnskap om nasar, store snablar, breie tryne og spisse snutar. Her får du verkeleg vite kor nyttig ein nase er, og korleis dei greier oppgåva med å dra inn luft. Men kva meir kan nasar brukast til enn pusting? For nasar er ikkje berre til å puste eller nyse med. Store nasar kan ein dusje med. Lange nasar kan ein jakte med. Mens verdas minste nase, heilt usynleg, kan brukast til å leite fram ein kjærast med. Les og bli nasevis!

Ni moderne og tidlause eventyr! I desse eventyra er trolla bytte ut med stigande hav og manglande frisk luft. Vår tids Oskeladden er ny i landet, og heltane i alle desse eventyra er barn og ungdommar. Dei unge heltane vinn, fordi dei er omsorgsfulle, eller veit å verdsetje vennskap. Eventyra er illustrerte av Inger Sandved Anfinsen.

Kva er det som gjer at ei bru kan halde oppe ikkje berre deg, men også store trailarar og tunge tog? Bli med og sjå kva som gjer bruer sterke og korleis dei blir bygde. Ei norsk fagbok for barn om teknikk og bygging fraprisbelønte Erna Osland.

Klok og spennande roman om redsla for den siste reisa. William og bestefar har lagt ut på ei reise saman til Egypt, men før reisa kjem i gang, blir bestefar påkjørt, og William blir kasta ut i eit eventyr på liv og død heilt åleine. Den uendelege reisa er ei magisk-realistisk forteljing som tek lesaren med inn i egyptisk mytologi og bergenske Williams uendeleg store redsel for å døy. Den uendelege reisa er Erna Oslands andre bok om reiser. Den farlege reisa var den første.

I denne boka blir du kjend med Fritz som vil hjelpa dyra i Afrika, Dunja som lærer bestefar å lesa, Ingrid som er så forelska og Mikkel som ikkje likar at broren er forelska. Erna Osland serverer åtte flotte historier med ord og bokstavar i sentrum.

Ein ung, sjukleg prins blir sett på ein herdingskur: bondekost og ein leikekamerat frå folket, Johannes. Prinsen og Johannes blir uskiljelege, det hevdar iallfall grisegjetaren Jacob når han fortel om den einsame prinsen, den sinnssjuke kongen og maktkampen på slottet. Jacobs forteljing krinsar mest om vennskap, om kor naudsynt den er. Så viktig er vennskapen at om du ikkje har ein venn, må du dikte deg ein. Og straks er du med i det merkelege spelet mellom makt og avmakt, det verkelege og fantasien.

Fargerik bokstavleik for barnehagebarn! «Styrk vil snorkle, men da må nokon passe på han. Det blir Zara, veslesøstera hans. Ho er for lita til å snorkle, men stor nok til å halde auge med broren. Som lønn skal ho få ein skatt kvar dag. Skatten skal komme frå havet og begynne på ein ny bokstav kvar gong.» I Bokstavsommaren hentar Styrk bokstavskattar opp frå havet til veslesøster Zara, og gjennom fisking og snorkling blir Styrk og Zara og lesaren kjende med alle bokstavane i alfabetet. Det finst ein tekst for kvar bokstav, og boka er ein liten skatt for dei som skal bli kjende med alfabetet vårt. Boka er blitt til i samarbeid med Nynorsksenteret og Lesesenteret, og alle tekstane er illustrerte av Inger Lise Belsvik.