Korleis søv du? Litt no og litt da, som eit ekorn? Eller mest om dagen som ei ugle? Om du ikkje er som spissmusa, da, som nesten aldri søv? Bli med herr Spiss på ei farefull ferd på leit etter søvnen. Møt ulike dyr i bileta og finn ut korleis dei søv, og kvifor dei gjer det akkurat slik. Ei fagbildebok for dei minste.

Eventyrboka innheld 19 nynorske eventyr, moderniserte eller nyskrivne, klassiske eller innovative. Ei eventyrleg og fargerik høgtlesebok for store og små sengekantar. Eventyra rettar seg mot barn frå 6 år og fungerer både til høgtlesing og sjølvlesing. Eventyra vert utover boka meir avanserte og rettar seg til eldre barn. Bente Bing Kleiva, Bente Bratlund, Einar Økland, Erna Osland, Helga Gunerius Eriksen, Henning Rivedal, Ingelin Røssland, Ingunn E. Wiken, Jon Hjørnevik, Karl Seglem, Katrine Sele, Laura Djupvik, Marita Liabø, Roald Kaldestad, Solfrid Siversten, Solveig Aareskjold, Stein Erik Lunde, Terje Hellesen og Turid Måseide.

Faktabok for barn om meteorologi Korleis blir vêret til? Kvar kjem vindane frå? Kvifor får hagl racerfart, og kvifor i alle dagar regnar det? Dette er ei bok om vêr, men også ei bok om Styrk, som bur i Noreg, men tenkjer på Afrika. Når kjem regnet til dei tørre åkrane hos mormor, tenkjer han. For det kjem vel, om det ikkje er nokon som har stole det? Dette er forteljinga om Styrk, men også ei faktabok om meteorologi. I slutten av boka kan du lese om korleis vêret held på å endre seg her på kloten. Og du få vite kvar regnet i Afrika blei av! Boka er illustrert av Per Ragnar Møkleby.

Dette er den første godnattboka med berre nynorske forteljingar. Boka samlar 22 nye godnatthistorier skrivne av forfattarar frå heile Vestlandet, både etablerte skribentar og debutantar. Forteljingane rettar seg mot barn frå 6 år og fungerer både til høgtlesing og sjølvlesing. I byrjinga av boka finn ein lettleste forteljingar som eignar seg for dei yngste i målgruppa. Utover boka vert forteljingane meir avanserte og rettar seg til eldre barn. Dei spreke illustrasjonar av illustratør Gunvor Rasmussen gir boka ei unik fargedrakt. Med Godnattboka debuterer den kjende BT-illustratøren innanfor barnebokgenren. Forfattarar i boka er: Brit Bildøen, Ingunn E. Wiken, Sylfest, Henning Riverdal, Heidi Marie Vestrheim, Anne Mette Hjelle, Frode Grytten, Katrine Sele, Ragnar Hovland, Odd Njøs, Helga Gunerius Eriksen, Tove Bakke, Turid Måseide, Bergljot Engeset, Terje Hellesen, Karl Seglem, Trond Morten Kristensen, Eirik Helleve, Sylfest Lomheim, Einar Økland, Finn Øglænd, Erna Osland, Atle Hansen.

Kva er det som gjer at ei bru kan halde oppe ikkje berre deg, men også store trailarar og tunge tog? Bli med og sjå kva som gjer bruer sterke og korleis dei blir bygde. Ei norsk fagbok for barn om teknikk og bygging fraprisbelønte Erna Osland.

Fine forteljingar om det å møte kvarandre Brage møter ei jente i djupet. Trond møter munnen til Maja-Mari. Mens Hanna møter Håvard utan å sjå han! Når to møter kvarandre, begynner ting å skje. Her er 14 forteljingar om nett det. Fleire av forteljingane er korte, andre er litt lengre. Men alle handlar om kor fint det er å få ein venn. Ta 100 steg og få ein venn er illustrert av Torill Stranger.

Fargerik bokstavleik for barnehagebarn! «Styrk vil snorkle, men da må nokon passe på han. Det blir Zara, veslesøstera hans. Ho er for lita til å snorkle, men stor nok til å halde auge med broren. Som lønn skal ho få ein skatt kvar dag. Skatten skal komme frå havet og begynne på ein ny bokstav kvar gong.» I Bokstavsommaren hentar Styrk bokstavskattar opp frå havet til veslesøster Zara, og gjennom fisking og snorkling blir Styrk og Zara og lesaren kjende med alle bokstavane i alfabetet. Det finst ein tekst for kvar bokstav, og boka er ein liten skatt for dei som skal bli kjende med alfabetet vårt. Boka er blitt til i samarbeid med Nynorsksenteret og Lesesenteret, og alle tekstane er illustrerte av Inger Lise Belsvik.

Klok og spennande roman om redsla for den siste reisa. William og bestefar har lagt ut på ei reise saman til Egypt, men før reisa kjem i gang, blir bestefar påkjørt, og William blir kasta ut i eit eventyr på liv og død heilt åleine. Den uendelege reisa er ei magisk-realistisk forteljing som tek lesaren med inn i egyptisk mytologi og bergenske Williams uendeleg store redsel for å døy. Den uendelege reisa er Erna Oslands andre bok om reiser. Den farlege reisa var den første.

Ein ung, sjukleg prins blir sett på ein herdingskur: bondekost og ein leikekamerat frå folket, Johannes. Prinsen og Johannes blir uskiljelege, det hevdar iallfall grisegjetaren Jacob når han fortel om den einsame prinsen, den sinnssjuke kongen og maktkampen på slottet. Jacobs forteljing krinsar mest om vennskap, om kor naudsynt den er. Så viktig er vennskapen at om du ikkje har ein venn, må du dikte deg ein. Og straks er du med i det merkelege spelet mellom makt og avmakt, det verkelege og fantasien.

Dette er ei bok full av nasar, verdas beste nase, verdas største nase og verdas minste. Og det er ei bok full av kunnskap om nasar, store snablar, breie tryne og spisse snutar. Her får du verkeleg vite kor nyttig ein nase er, og korleis dei greier oppgåva med å dra inn luft. Men kva meir kan nasar brukast til enn pusting? For nasar er ikkje berre til å puste eller nyse med. Store nasar kan ein dusje med. Lange nasar kan ein jakte med. Mens verdas minste nase, heilt usynleg, kan brukast til å leite fram ein kjærast med. Les og bli nasevis!

I denne boka blir du kjend med Fritz som vil hjelpa dyra i Afrika, Dunja som lærer bestefar å lesa, Ingrid som er så forelska og Mikkel som ikkje likar at broren er forelska. Erna Osland serverer åtte flotte historier med ord og bokstavar i sentrum.

Ni moderne og tidlause eventyr! I desse eventyra er trolla bytte ut med stigande hav og manglande frisk luft. Vår tids Oskeladden er ny i landet, og heltane i alle desse eventyra er barn og ungdommar. Dei unge heltane vinn, fordi dei er omsorgsfulle, eller veit å verdsetje vennskap. Eventyra er illustrerte av Inger Sandved Anfinsen.

Trøysteboka er den tredje boka i serien med nyskrivne nynorske forteljingar. Etter dei to prislønna første bøkene Godnattboka og Eventyrboka skriv forfattarane i denne boka om det å trengje trøyst og om å gi trøyst til andre. Desse forfattarane er med: Maria Parr, Erna Osland, Ingelin Røssland, Helga Gunerius Eriksen, Katrine Sele, Laura Djupvik, Brit Bildøen, Solfrid Sivertsen, Rønnaug Kleiva, Marita Liabø, Solveig Aareskjold, Bente Bratlund, Karl Seglem, Einar Økland, Stein Erik Lunde, Atle Hansen, Terje Hellesen, Lars Mæhle, Tor Arve Røssland, Arnt Birkedal og Roald Kaldestad.

Boken inneholder både velkjente og mindre kjente fortellinger fra Det Gamle og Det Nye Testamente. Fire av historiene er nyskrevne for denne boken, av Jostein Gaarder, Torill Thorstad Hauger, Bjørn Sortland og Erna Osland. Med tittel-, forfatter- og illustratørregister.

Kan ein fugl vere venn med ei krokodille? Et eller bli eten er hovudregelen i dyreverda, men naturen skjuler ei fascinrande hemmelegheit, kalla symbiose. Dyr som er heilt og aldeles ulike, kan leve saman. Ein grevling kan gå på jakt med ein gauk. I denne fagboka fortel Erna Osland om dyrebare vennskap i naturen. Boka er gjennomillustrert av Tone K. Lileng. Erna Osland har vunne ei rekke norske og internasjonale priser. Ho har ei imponerande liste av bøker for barn og ungdom bak seg. Skarpe tenner og Fint å ha far er tidlegare bøker i denne prislønte serien.

Visste du at det berre er menneskebarn og nokre få dyr som har ein far som passar på dei? Løveungane og isbjørnungane har ein far som gjerne et dei opp, om ikkje mora passar på. Hestefølla er hos mor. Men reven og ulven passar på ungane sine, mange fuglar og ein del fiskar gjer det same. Så du ER heldig, som har ein far som bryr seg om deg. I denne boka kan du lese om korleis ulike dyreungar får omsorg av far.

Jeg-personen skal på sin første skoledans, og har fått grundig opplæring av sin eldre bror om hvordan han skal behandle jenter. Men når storebroren roter seg bort i skumle affærer er det godt å ha en lillebror som kan ordne opp.

Siv og Sara går i samme klasse og har samme skolevei, men de er ikke venner. Mellom dem i klasseværelset sitter Sverre, som de begge er forelsket i, og en dag skjer det noe som snur opp ned på mange ting. Boka handler om slåsskamp, sjalusi og svømmebasseng, og om den store forelskelsen.

Ein mann finn eit brev i ei flaske. I brevet er ord han ikkje forstår. Men orda tenner ein eld. Han drøymer om brevet, at ei prinsesse har skreve det og klarer ikkje å arbeide.Han skriv eit brev og sender det ut i ei flaske. Ein kveld står det ei flaske på trappa. I flaska er det eit nytt brev. Nydeleg forteljing om einsemd og kontakt, om drøymar og kjærleik. Og om ord og språk.

Engasjerande om flukt og handlekraft. Tony er på sommarferie hos bestefaren sin saman med kusina si, Silja. Alt skal vere som vanleg, men ingenting er det. Eit asylbarn er meldt sakna, og alle trur barnet er drukna. Men kva er det som går føre seg på loftet til bestefar? Og kven held kva skjult? Tony opplever for første gong sjølv å måtte finne ut kva som er rett og gale, og han må bokstavleg tala stupe uti. Forfattar Erna Osland og illustratør Sigbjørn Lilleng har i tekst og bilete laga ein lettlesen illustrert roman om rett og gale og det imellom. Utvikla i samarbeid med Leser søker bok.